Tveir dómar féllu í Héraðsdómi Reykjavíkur í dag fyrir ofbeldi í nánu sambandi. Karlmaður á fimmtugsaldri var sakfelldur fyrir brot í nánu sambandi eftir að hafa veist að þáverandi sambýliskonu sinni í Breiðholti í janúar 2018, og svo aftur sama dag á heimili þeirra.
Greip hann hana kverkataki, ýtti henni upp við veggn, hrinti henni og sló hana. Af aðförinni hlaut konan mar á andlit, háls, brjóstkassa, öxl, upphandlegg, framhandlegg, hægri úlnlið, framanvert vinstra læri og báða kálfa. Ákærði mætti ekki fyrir dóm, en þar sem hann hafði verið varaður við að fjarvist gæti leitt til þess að málið yrði dómtekið án hans málsvarnar, var hann dæmdur til þriggja mánaðar skilorðsbundinnar refsingar.
Ákærði er fæddur í apríl 1972. Hann hefur ekki áðru gerst sekur um refsiverða háttsemi svo kunnugt sé. Með hliðsjón af broti ákærða og sakaferli er refsing hans hæfilega ákveðin fangelsi í 3 mánuði sem bundið verður skilorði með þeim hætti er í dómsorði greinir.
Hinn dómurinn varðaði aðför karlmanns á fimmtugsaldri gegn þáverandi sambúðarkonu sinni og dóttur hennar að aðfangadag 2017. Þar réðst hann að sambýliskonu sinni, kýldi, reif í hár hennar og sparkaði í hana. Hlaut hún við þetta tannbrot í framtönnum, skurð á gagnauga, mar, bólgu og þreifieymsl víðsvegar um líkamann. Einnig réðst hann gegn dóttur hennar.
kýlt hana ítrekað með krepptum hnefa í andlitið og sparkað í andlit hennar, allt með þeim afleiðingum að hún hlaut eymsli mar og bólgu yfir kunnbeini og gagnaugasvæði vinstra megin“
Ákærði játaði brot sitt afdráttarlaust og var dæmdur í 6 mánaða skilorðsbundið fangelsi.
Ákærði er fæddur í janúar 1972. Sakaferill hans hefur ekki áhrif á ákvörðun refsingar. Með hliðsjón af þeim brotum sem hann hefur verið sakfelldur fyrir er refsing ákærða hæfilega ákveðin fangelsi í 6 mánuði, sem í ljósi sakaferils hans þykir unnt að skilorðsbinda með þeim hætti er í dómsorði greinir.
