Mál konu á áttræðisaldri, Krystynu Reginu Maszewsku, sem sökuð er um að reyna að bana tengdasyni sínum á Akranesi á síðasta ári, er nú rekið fyrir Héraðsdómi Reykjavíkur.
Málsatvikum var lýst svo fyrir héraðsdómi, samkvæmt frétt RÚV, að Regina hafi gætt barnabarna sinna þegar tengdasonurinn kom heim, mjög pirraður. Öskraði hann á Krystynu og var orðljótur. Hún greindi svo frá málum við lögreglu að tengdasonurinn hefði gengið sjálfur á hnífinn, en kannast ekki við þau ummæli fyrir dómi.
„Það er ekki séns. Ég ræddi ekki neitt slíkt við lögregluna. Þetta er lygi.“
Fyrir dómi neitar hún að hafa reynt að bana tengdasyninum. Tengdasonurinn hefði sjálfur verið vopnaður með tveimur hnífum og hefði að líkindum dottið á annan þeirra.
Tengdasonurinn segir aðra sögu. Hann greinir svo frá atvikum að þegar hann kom heim þetta kvöld hafi tengdamóðir hans verið drukkin. Hann hafi sett út á drykkjuna þar sem hún væri að gæta ungra barna. Hann hefði svo farið inn í herbergi og lagst til svefns. Þá hafi Krystyna komið og stungið hann. „Ég var hræddur og ég er ennþá hræddur.“
Dóttir Krystynu baðst undan því að svara spurningum vegna tengsla sinna við ákærðu.
Sjá einnig:
