„Patriotism is the last refuge of a scoundrel.“
Svo hljóma fleyg orð Samuels Johnson – skráð af James Boswell sem ritaði ævisögu hans. Johnson talaði í snjallyrðum og fyrirsögnum og Boswell skráði. Færði kannski í stílinn.
Þetta er ekki alveg auðvelt að þýða. „Föðurlandsást er síðasta skjól skálksins,“ finn ég alnetinu.
En þessi orð koma í hugann þegar maður les um síðustu afrek Donalds Trump. Hann ætlar að láta Bandaríkin standa utan við alþjóðlegan samning Sameinuðu þjóðanna sem miðar að því að hafa hemil á vopnasölu milli ríkja.
Þetta gerir Trump í nafni, já hvers – fullveldis. Honum verður tíðrætt um að ekki megi takmarka fullveldi Bandaríkjanna. Fullveldi er reyndar orð sem er mikið í umræðunni núorðið, víða um heim.
Og upp í hugann koma orð Johnsons.
Johnson og Boswell á góðri stund.