Stjórn verkalýðsfélagsins VR hefur ákveðið að endurgreiða þeim félagsmönnum sem keyptu gjafabréf með WOW air af félaginu. Endurgreiðslan verður í boði fyrir þá sem náðu ekki að nýta gjafabréfin sín, eða notuðu þau til að borga flug sem féll niður vegna gjaldþrotsins. Þetta kemur fram á vef VR.
Þar er félagsmönnum bent á að þeir geti sótt um endurgreiðsluna til og með fimmtudeginum 20. júní næstkomandi. Endurgreiðslan mun berast um 30 dögum eftir að fullnægjandi gögnum hefur verið skilað til VR.
