Fyrsta fegurðarsamkeppni karla á Íslandi í tólf ár fer fram á eftir. Herra Brennslan 2019 verður í beinni útsendingu á Vísi og FM957 klukkan níu. Keppendurnir eru Hjörvar Hafliðason, Kjartan Atli Kjartansson og Ríkharð Óskar Guðnason.
Dómararnir eru ekki af verri endanum, en nefndina skipa Rúrik Gíslason, Sindri Sindrason, Margrét Gnarr, Unnur Kristín og Manuela Ósk.
Hér að neðan má sjá aðeins um hvern keppanda, en upplýsingunum var upphaflega deilt í Facebook-hópinn Brennslu tips, sem er hópur fyrir útvarpsþáttinn Brennsluna.
Kjartan Atli Kjartansson, 34 ára.
Stjörnumerki: Tvíburi
Áhugamál: Körfubolti, fjölskyldan, fótbolti og skemmtigarðar.
Hverju myndir þú breyta í heiminum ef þú gætir breytt einhverju? Ég myndi gera risa skemmtigarð á Íslandi.
Hjörvar Hafliðason, 38 ára
Stjörnumerki: Vog
Áhugamál: Fótbolti, peningar, rauðvín, bílar og heitar gellur.
Hverju myndir þú breyta í heiminum ef þú gætir breytt einhverju? Ég myndi vilja að lágkolvetna bjór fengist allstaðar á dælu líka.
Ríkharð Óskar Guðnason, 34 ára
Stjörnumerki: Fiskur
Áhugamál: Golf, skvass, fjölskyldan og góður bjór.
Hverju myndir þú breyta í heiminum ef þú gætir breytt einhverju? Lögbundnir frídagar sem hitta á helgi færast yfir á næsta virka dag.
Hægt verður að fylgjast með keppninni í beinni útsendingu hér.
