Múslimskum karlmanni frá Wales var neitað um inngöngu í Bandaríkin þann 16.febrúar síðastliðinn en honum var vísað frá borði á Keflavíkurflugvelli. Maðurinn starfar sem kennari í heimalandi sínu og var á ferðalagi vestur um haf með nemendum sínum þegar vélin millilenti á Íslandi. RÚV greinir fyrst frá og vitnar í velska miðilinn Wales Online.
Lögbann á umdeilda tilskipun Donald Trump Bandaríkjaforseta var staðfest af áfrýjunardómstóli í Bandaríkjunum þann 9.febrúar síðastliðinn en tilskipuninni var ætlað að meina borgurum tiltekinna múslímaríkja að ferðast til Bandaríkjanna.
Fram kemur í frétt Wales Online að þrátt fyrir að lögbannið hafi verið sett viku fyrir atvikið þá hafi bandarísk stjórnvöld engu að síður neitað manninum um inngöngu í landið. Vísuðu öryggisverðir honum frá borði í Keflavík.
Maðurinn er kennari við skóla í þorpinu Aberdulais. Sveitarstjórnin í Neath Port Talbot hefur nú sent bandaríska sendiráðinu í Lundúnum bréf þar sem framkoma bandarískra yfirvalda er harðlega gagnrýnd, en fram kemur að en engar fullnægjandi skýringar hafi verið gefnar á brottvísun mannsins og þá hafi honum verið neitað um aðgang þegar hann leitaði til bandaríska sendiráðsins í Reykjavík.
