Manchester United hefur staðfest ráðningu sína á Ole Gunnar Solskjær til framtíðar.
Solskjær tók við United í desember eftir að Jose Mourinho var rekinn. Solskjær gerir samning til þriggja ára en áður var hann þjálfari Molde. Solsjær mun þéna miklu minna en Mourinho gerði.
Þannig segja ensk blöð að Solskjær fái 7 milljónir punda í föst laun á ári. Það er ekki mikð fyrir stjóra stórliðs. Mourinho fékk 18 milljónir punda á ári, hann hafði sannað sig á öðrum stöðum á meðan Solskjær er óskrifað blað.
Louis van Gaal sem stýrði United frá 2014 til 2016 sagði að fótbolti Solskjær væri alveg eins og Mourinho. Gary Neville tekur upp hanskann fyrir Solskjær.
,,Það er mikil vinna fyrir Solskjær á næstu mánuðum, hann þarf að koma United til baka á toppinn,“ sagði Neville.
,,Ég sá Van Gaal tala um að fótboltinn væri eins og hjá Mourinho, en hann væri að vinna.“
,,Fótboltinn hjá Van Gaal er það versta sem ég hef séð hjá United, Mourinho var miklu betri.“
