Arnór Sigurðsson, nýjasta stjarnan í íslenskum fótbolta hefur ákveðið að styrkja minningarsjóð Einars Darra.

Arnór ákvað að láta gott af sér leiða og styrkja minningarsjóð Einars Darra. Þær greiðslur sem hann fékk fyrir síðasta landsliðsverkefni með A landsliði karla lét hann renna í minningarsjóðinn.

Þannig fékk Arnór 300 þúsund krónur fyrir sigurinn á Andorra, en KSÍ greiðir 100 þúsund krónur á hvert stig sem vinnst í undankeppni, til leikmanna.

“Mér finnst mikilægt að styðja við það góða starf sem verið er að vinna“ segir Arnór Sigurðsson atvinnumaður með CSKA Moskva.

Arnór er 19 ára gamall en hann hefur slegið í gegn á mjög stuttum tíma.