Albert Guðmundsson fékk óvænt að byrja hjá íslenska landsliðinu í kvöld er liðið mætti því franska.

Albert stóð fyrir sínu í kvöld en Ísland tapaði leiknum þó 4-0 og var frammistaðan er ekki upp á tíu gegn heimsmeisturunum.

,,Maður undirbýr sig alltaf eins og maður sé að fara að byrja leiki eða koma inná á fyrstu mínútu þannig ég myndi ekki segja að þetta væri sjokk en maður fékk kitl í magann þegar maður sjá byrjunarliðið,“ sagði Albert.

,,Það er erfitt að vera super ánægður eftir 4-0 tap en ég held að ég hafi komist ágætlega út úr þessu en auðvitað svekktur með tapið.“

,,Auðvitað er þetta erfitt, þeir urðu ekki heimsmeistarar upp úr þurru. Þetta eru turnar og vélmenni aftast. Það er erfitt að eiga við þetta en við eigum að geta sært þá meira en við gerðum.“