Hörður Snævar Jónsson skrifar frá París:
Íslenska landsliðið, heimsækir Frakkland í undankeppni EM 2020 í París í kvöld. Bæði lið eru með þrjú stig, eftir fyrstu umferð í keppninni. Ísland vann sigur á Andorra en Frakkar fóru létt með Moldavíu.
Frakkar urðu Heimsmeistarar síðasta sumar, það er því ljóst að leikurinn er verðugt verkefni fyrir lærisveina Erik Hamren. Ekki voru tíðindin í gær heldur góð, þegar ljóst var að Jóhann Berg Guðmundsson yrði ekki með, sökum meiðsla.
Albert Guðmundsson byrjar í framlínu Íslands en Alfreð Finnbogason er aðeins klár í rúman hálftíma, hann er að stíga upp úr meiðslum.
Þá fer Erik Hamren í 3-5-2 kerfið. Þannig koma Sverrir Ingi Ingason og Hörður Björgvin Magnússon inn í varnarlínuna. Rúnar Már Sigurjónsson kemur svo inn á miðsvæðið.
Arnór Sigurðsson, Jóhann Berg Guðmundsson, Alfreð Finnbogason og Ari Freyr Skúlason fara úr byrjunarliðinu frá sigrinum, gegn Andorra.
Hamren hefur tilkynnt byrjunarlið sitt sem má sjá hér að neðan.
Byrjunarlið Íslands:
Hannes Þór Halldórsson
Birkir Már Sævarsson
Kári Árnason
Ragnar Sigurðsson
Sverrir Ingi Ingason
Hörður Björgvin Magnússon
Aron Einar Gunnarsson
Birkir Bjarnason
Rúnar Már Sigurjónsson
Gylfi Þór Sigurðsson
Albert Guðmundsson
