Hvað mig varðar er þetta ein besta sena kvikmyndasögunnar. Hún er alveg fullkomin. Sviðsmyndin, litirnir, hinn óviðjafnanlegi Gene Kelly, húmorinn – þessi frábæra tónlist, dansinn, steppið, léttleikinn. Draumaverksmiðjan í Hollywood í ótrúlegu stuði.
Þetta er gæsahúð, bros, jafnvel smá tár. Kvikmyndatöfrar. Er þarna fest að eilífu á hvíta tjaldið – en kemur aldrei aftur.
Leikstjóri myndarinnar, Stanley Donen, andaðist í gær, 94 ára að aldri.
