Í gærmorgun varð að gera stutt hlé á réttarhöldum yfir 22 ára manni sem er ákærður fyrir að hafa stolið verðmætum krúnudjásnum úr sænskri dómkirkju. Krúnudjásnin eru mjög verðmæt en þau eru metin á sem svarar til um 800 milljóna íslenskra króna auk þess að vera algjörlega ómetanleg sögulega séð.

Um er að ræða konungskórónu og ríkisepli sem tilheyrði Karli IX Svíakonungi auk minni kórónu sem eiginkona hans, Kristina drottning, átti.

Hinn ákærði neitar sök í málinu. Aftonbladet segir að krúnudjásnin hafi fundist í ruslatunnu en ekki kemur fram hvort lögreglunni hafiði borist vísbending um staðsetningu þeirra. Stutt hlé var gert á réttarhöldunum í gær þegar saksóknari tilkynnti þetta. Þau höfðu ekki sést síðan 31. júlí á síðasta ári þegar þeim var stolið úr Strängnäs dómkirkjunni.