28 ára karlmaður fann einhverja þörf hjá sér nýlega til að senda 16 ára stúlku mynd af getnaðarlim sínum auk óviðeigandi textaskilaboða. Stúlkunni var illa brugðið við þetta enda hafði hún ekki beðið um þessa sendingu. En maðurinn hafði greinilega ekki hugsað málið alveg til enda og það reyndist ekki svo erfitt fyrir lögregluna að sýna fram á að það var hann sem sendi umrædda typpamynd.

Joshua Louis Hillyard var handtekinn í síðustu viku vegna málsins í kjölfar fundar hans við skilorðsfulltrúa sinn. Lögreglan var þá fullviss um að það væri Hillyard sem hefði sent typpamyndina og byggði þá vissu sína á húðflúri á líkama hans og á typpinu. Á typpi hans er húðflúrað: „fun size“ og það var einmitt þetta sem varð honum að falli. Lögreglumenn í Arizona segjast ekki í nokkrum vafa um að Hillyard sé sá sem sendi myndina.

Stúlkan lét starfsmann í skóla sínum vita af myndasendingunni en hún þekkti Hillyard sem hún hafði hitt í tengslum við mentoráætlun.

Hillyard sagði við yfirheyrslur að hann hefði talið stúlkuna vera 16 ára og því í lagi að senda henni typpamynd en í Arizona telst slíkt brot ef viðtakandinn er yngri en 18 ára.

Hillyard er svokallaður góðkunningi lögreglunnar því hann hefur hlotið dóma fyrir innbrot, fjársvik og eiturlyfjasölu.