Allt getur gerst í beinni og stundum verða gullmolar til úr vandræðalegum augnablikum. Fólk á alnetinu er yfirleitt duglegt að skrásetja hvert einasta smáatriði sem getur brugðið fyrir í beinni útsendingu og ekki síður þegar fræga fólkið er í sviðsljósinu.
Á Golden Globe-verðlaunahátíðinni í gær hlaut bandaríski leikarinn Rami Malek styttu fyrir besta leik karls í aðalhlutverki í dramamynd. Verðlaunin voru fyrir marglofaða túlkun hans á Freddie Mercury í kvikmyndinni Bohemian Rhapsody.
Myndin var almennt sigursæl á hátíðinni og hlaut einnig verðlaun bestu myndar í flokki dramamynda. Ástralska leikkonan Nicole Kidman sá um hlutverk kynnis og veitti framleiðendum styttuna. Þá kom ekki annað til greina en fyrir helstu leikara og fleiri aðstandendur að sameinast á sviðinu.
Rami var að vísu í brennidepli þegar hann reyndi að sýna Kidman þakklæti sitt og heilsa henni vingjarnlega, en hún tók ekki eftir sigurvegaranum sem greip þarna í tómt. Þetta hefur leitt til margra umræða á samfélagsmiðlum, enda er sjón sögu ríkari, eins og sjá má að neðan.
