Ómar Örn Hauksson, grafískur hönnuður og fyrrum meðlimur Quarashi, og Nanna Þórdís Árnadóttir, verslunarstjóri Geysis, hafa sett íbúð sína á Njálsgötu á sölu.
Íbúðin er hin glæsilegasta á frábærum stað í hjarta miðbæjarins, og til gamans má geta að listrænn andi tónlistarinnar hlýtur að búa í húsinu því þar býr einnig Hörður Torfason leikstjóri og tónlistarmaður.
„Jæja. Nú ætlar maður að fara reyna að stækka við sig. Endilega kaupið íbúðina okkar,“ segir Ómar á Facebook-síðu sinni.
Íbúðin er 108,7 fm, fjögurra herbergja á 2. Hæð í húsi sem byggt var 1932. Aukin lofthæð er í íbúðinni, sem hefur verið endurnýjuð að hluta.
Nánari upplýsingar um eignina má finna hér.
