Skjálftinn sem reið yfir á Nýja-Sjálandi breytti landslaginu svo um munar
Óhætt er að segja að jarðskjálftinn sem reið yfir á Nýja-Sjálandi á sunnudag hafi skilið eftir sig mikla eyðileggingu. Í morgun birtust myndir frá strandlengjunni norður af Kaikoura á Suðurey Nýja-Sjálands en þar olli skjálftinn einna mestri eyðileggingu.
Eins og sést á meðfylgjandi myndskeiði lyftist sjávarbotninn meðfram strandlengjunni í kjölfar skjálftans með þeim afleiðingum að þar sem áður var sjór er nú land. Vísindamenn telja að botn sjávar hafi lyfst um allt að tvo metra á ákveðnum svæðum.
Skjálftinn sem reið yfir var 7,8 að stærð og skyldi eftir sig mikla eyðileggingu. Aurskriður féllu víða í kjölfar hans en sem betur var var manntjón minna en óttast var, staðfest er að tveir hafi látist. Hér að neðan má sjá myndskeið af eyðileggingunni.
