Sigurður Pálsson og Auður Ava Ólafsdóttir eru meðal þeirra þrettán höfunda sem eru tilnefndir til Bókmenntaverðlauna Norðurlandaráðs árið 2018. Auður er tilnefnd fyrir skáldsöguna Ör og Sigurður fyrir ljóðabókina Ljóð muna rödd, en bókin var sú síðasta sem hann sendi frá sér áður en hann lést í fyrra. Verðlaunahafinn verður kynntur við hátíðlega athöfn í Osló 30. október, og hlýtur hann verðlaunafé sem nemur 350 þúsund dönskum krónum.

Eftirfarandi bækur eru tilnefndar til verðlaunanna í ár.

Frá Danmörku

Velsignelser eftir Caroline Albertine Minor. Smásögur, Rosinante, 2017.
Indigo. Roman om en barndom eftir Vita Andersen. Skáldsaga, Rosinante, 2017

Frá Finnlandi

God morgon eftir Susanne Ringell. Stuttur prósi. Förlaget M, 2017
Ontto harmaa eftir Olli-Pekka Tennilä. Ljóðabók, Poesia, 2016

Frá Færeyjum

Gudahøvd eftir Jóanes Nielsen. Ljóðabók, Mentunargrunnur Studentafelagsins, 2017.

Frá Grænlandi

Illinersiorluni ingerlavik inussiviuvoq eftir Magnus Larsen. Sjálfsævisaga, Maanuup atuakkiorfia, 2017

Auður Ava Ólafsdóttir er tilnefnd fyrir skáldsöguna Ör.

Mynd: DV ehf / Sigtryggur Ari

Frá Íslandi

Ör eftir Auði Övu Ólafsdóttur. Skáldsaga, Benedikt bókaútgáfa, 2016
Ljóð muna rödd eftir Sigurð Pálsson. Ljóðasafn, JPV útgáfa, 2016

Frá Noregi

Jeg har ennå ikke sett verden eftir Roskva Koritzinsky. Smásögur, Aschehoug, 2017
Begynnelser eftir Carl Frode Tiller. Skáldsaga, Aschehoug, 2017

Frá Svíþjóð

Tapeshavet eftir Gunnar D Hansson. Ljóðabók, Albert Bonniers Förlag, 2017.
Doften av en man eftir Agneta Pleijel. Skáldsaga, Norstedts, 2017

Álandseyjar

Algot eftir Carina Karlsson. Skáldsaga, Schildts & Söderströms, 2017