Maðurinn sem hefur verið úrskurðaður í gæsluvarðhald vegna andláts ungrar konur á Akureyri er meðal annars grunaður um að hafa ekki komið henni til aðstoðar. Líkt og DV greindi frá fyrr í gær þá fannst ung kona látin í íbúð á Akureyri í fyrradag.

Samkvæmt frétt RÚV sem vitnar í gæsluvarðhaldsúrskurð í málinu þá liggur maðurinn undir rökstuddum grun um að hafa brotið gegn fyrstu og/eða fjórðu málsgrein 220. greinar hegningarlaga, með öðrum orðum að hann hafi ýmist ekki komið konunni til bjargað eða að hann hafi stofnað lífi hennar í hættu, meðal annars í ábátaskyni.

Í gæsluvarðhaldsúrskurði kemur enn fremur fram að maðurinn hafi ekki verið í ástandi til að ræða við lögreglu á sunnudaginn vegna lyfjaneyslu. Ekki er ljóst hvort fleiri hafi verið í íbúðinni þegar konan lést en yfirgnæfandi líkur eru sagðar á því að umræddur karlmaður hafi verið þar.

Maðurinn hefur verið úrskurðaður í gæsluvarðhald fram á föstudag.