Steinþór Helgi Arnsteinsson, spurningahöfundur og dómari í Gettu betur og athafnamaður, og Glódís Guðgeirsdóttir, fimleikakona og margverðlaunaður meistari í hópfimleikum, hafa sett íbúð sína að Grandavegi 42 á sölu.
Íbúðin er 93 fm á 1. hæð, en húsið var byggt 2016. Íbúðin er tveggja herbergja, en parið er að stækka við sig svo sonur þeirra sem er tæplega árs gamall fái sérherbergi.
„Okkur finnst samt gríðarlega erfitt að selja, því við algjörlega elskum þessa íbúð og staðsetninguna. Enda erum við ekki að fara neitt langt, bara í næsta stigagang, þannig að við verðum nágrannar nýju eigendanna. Ef eitthvað kemur upp á geta þeir bara kallað á mig af svölunum,“ segir Steinþór.
Hér má finna frekari upplýsingar um eignina.
