Björgunarsveitarmenn í Öræfum fundu, um hádegisbil, látinn mann við Sandfell í Öræfum. Þetta kemur fram í tilkynningu frá lögreglu. Þar segir jafnframt að björgunarsveitir hafi verið kallaðar til þegar farið var að grennslast fyrir um ástæður þess að bifreið hafði staðið mannlaus í einhvern ótiltekin tíma á bifreiðastæði skammt frá Sandfelli. Orðrétt segir í tilkynningu lögreglu:
„Um er að ræða bílaleigubifreið í útleigu til erlends ferðamanns. Málið er í rannsókn hjá rannsóknardeild lögreglunnar á Suðurlandi en ekki er unnt að veita nánari upplýsingar um það að svo stöddu.“