Gyrðir Elíasson, einn helsti rithöfundur þjóðarinnar, er maður smábæjanna. Þorpanna jafnvel. Hann er alinn upp á Sauðárkróki, dvaldi löngum hjá afa sínum og ömmu á Borgarfirði eystra. Svo bjó hann einhver ár á Akranesi.
Mikið af sögum Gyrðis gerast í smábæjum úti á landi – hann verður seint kallaður borgarskáld.
Þrátt fyrir það hefur Gyrðir lengi búið i Reykjavík, nánar tiltekið í Grafarvoginum. En nú hefur hann söðlað um og flust búferlum – hann er fluttur í Garðinn. Er semsagt orðinn suðurnesjamaður.
Gyrðir er einmitt að senda frá sér nýja bók sem nefnist Sorgarmarsinn. Þetta er síðasta bókinn í röð verka sem mynda þríleik, hinar eru Sandárbókin og Suðurglugginn. Bókin gerist einmitt í þorpi úti á landi –Gyrðir segjr sjálfur að hann miði við að staðsetningin sé á Austfjörðum.
Við hittum Gyrði í Garðinum í Kiljunni sem er á dagskrá RÚV í kvöld. Myndin er úr þættinum.
