Þau Sesselía Ólafsdóttir og Vilhjálmur Bergmann Bragason mynda gríndúettinn Vandræðaskáld. Þau hafa verið dugleg við að senda frá sér frumsamin lög og um helgina sendu þau frá sér skemmtilegt lag sem þau tileinka heilabiluðum og aðstandendum þeirra. Hlustaðu á lagið hér að neðan.
Maríuhús, dagþjálfun fyrir heilabilaða, fagnaði 10 ára afmæli í síðustu viku og leituðu að því tilefni til þeirra Sesselíu og Vilhjálms. Útkoman var þetta skemmtilega lag sem hefur slegið í gegn á Facebook en myndbandið hefur fengið tæplega 20 þúsund áhorf á innan við sólarhring.
„Þegar við fórum að semja lagið þá lögðumst við í rannsóknarvinnu og við fundum ótrúlega mikið af skemmtilegum sögum af fólki með heilabilun. Sumar eru fyndnar, sumar grátbroslegar og sumar mjög fallegar,“ sagði Sesselía í kynningu á laginu.
https://www.facebook.com/musesofmisfortune/videos/1231010290379568/