Það er útlit fyrir það að Neymar, leikmaður Paris Saint-Germain, verði í sínu besta formi gegn Liverpool í Meistaradeildinni.
Neymar lék með brasilíska landsliðinu í vikunni gegn El Salvador og nokkrum dögum áður gegn Bandaríkjunum.
Neymar er nú mættur aftur til æfinga hjá PSG en búist er við að hann fái frí gegn St. Etienne á morgun.
Thomas Tuchel, stjóri PSG, býst við að Neymar verði hvíldur í þeim leik svo að hann verði ferskur í leik gegn Liverpool.
Liverpool og PSG eigast við á Anfield á þriðjudaginn en um er að ræða leik í riðlakeppni Meistaradeildarinnar.
