Egypskur maður hefur verið handtekinn í Sádi-Arabíu eftir að hafa birt myndband af sér á Twitter að borða morgunmat með konu þar í landi. Samkvæmt lögum Sádi-Arabíu er óheimilt fyrir fjölskyldufólk að sitja með einstæðu fólki og eru sér svæði fyrir hvorn hópinn.

Konum í landinu er ekki heimilt að gera marga daglega hluti án þess að vera í fylgd með karlmanns fylgdarmanni, eins og eiginmanni, föður eða bróður. Konan og maðurinn unnu saman en ekki tengd fjölskyldutengslum og er það því ólögmætt fyrir hann að sitja við hlið hennar.

Það sem fór fyrir brjóstið á yfirvöldum í Sádi-Arabíu var að í myndbandinu sést að konan matar hann við borðið í mötuneyti vinnustaðar þeirra. Hefur komið fram að þau hafi verið að gantast og um grín hafi verð að ræða að þeirra hálfu. Margir íbúar í landinu brugðust við þessu myndbandi með því að gagnrýna þessa hegðun, en þóttu það þó furðulegt hvers vegna það væri verið að refsa manninum en ekki konunni fyrir þetta atvik. Margir bentu þó á að fólk ætti að geta unnið saman og haft gaman í vinnunni án þess að þurfa að vera handtekin fyrir það.

Í Egyptalandi eru viðbrögðin hins vegar mun öðruvísi og hefur fólk gagnrýnt þessi hörðu viðbrögð yfirvalda í Sádi-Arabíu harðlega og krafist þess að ríkisstjórn Egyptalands geri eitthvað í málinu.