Roberto Firmino, leikmaður Liverpool, hefur gefið í skyn að hann sé alls ekki á förum frá félaginu næstu árin.
Firmino gekk í raðir Liverpool frá Hoffenheim í Þýskalandi og hefur síðan þá verið fastamaður á Anfield.
Brasilíumaðurinn elskar lífið í Liverpool og segir að það sé erfitt að útskýra hvernig það er að vera leikmaður liðsins.
,,Það heyra allir sögur af því hvernig það er að vera leikmaður Liverpool en þar til þú upplifir það þá geturðu ekki skilið hvernig það er,“ sagði Firmino.
,,Ég bjóst aldrei við því að fá eins meðferð og ég hef fengið hérna. Þessu fylgir mikil ábyrgð og við getum aðeins gefið til baka eins og við getum.“
