Miðvikudaginn næstkomandi mun Hamborgarafabrikkan í samstarfi við samfélagsmiðlahópinn Áttuna hefja sölu á nýjum hamborgara. Að því tilefni framleiddi Áttan auglýsingu sem vakið hefur mikla athygli og töluverða undrun meðal fólks en þegar þessi frétt er skrifuð hafa yfir 12 þúsund manns skoðað hana. Myndbandið var fjarlægt af Facebook stuttu eftir hádegi.
Í auglýsingunni er hamborgarinn kynntur sem „Svartur, sveittur & hnausþykkur“ og í framhaldinu birtist þjónn sem er dökkur á hörund.
Innan Facebook-hópsins Markaðsnördar sem er vettvangur markaðsfræðina er auglýsingin til umræðu en þar sem því er meðal annars velt upp af hverju Hamborgarafabrikkan hafi gefið grænt ljós á birtingu auglýsingarinnar.
„Stundum eru hlutirnir svo taktlausir að það tekur því ekki að stafa það, Árni. Er það rasisminn? Er það typpabrandarinn? Er það bara staðreyndin að hún sé að líkja hamborgara við skaufa? Ég segi sjálfur bara shiieeeeeeeeet,“ skrifar einn notandi síðunnar.
Annar notandi síðunnar bendir á auglýsingin sé hvorki fyndin né sniðug. „1. Klámfengið 2. stereótýpu gjörningur á dökka menn 3. Á að vera fyndið en nær því ekki hjá mér því það fyrsta sem ég hugsa er „stay classy“ Ron burgundy fílingur í þessu sem mér finnst ekki passa 2018.“
