West Ham United hefur styrkt sig mikið í sumar og hefur fengið ófá stór nöfn til sín í glugganum.
Nefna má þá Andriy Yarmolenko, Felipe Anderson Jack Wilshere sem skrifuðu allir undir samning í London.
West Ham vill nú fá varnarmanninn Marcelo Guedes sem spilar með Lyon í Frakklandi.
Samkvæmt frönskum miðlum vill Marcelo ólmur ganga í raðir West Ham en Lyon vill ekki hleypa honum burt.
Lyon mun spila í Meistaradeildinni á næstu leiktíð en þrátt fyrir það vill Marcelo komast til Englands.
Varnarmaðurinn er 31 árs gamall og kom til Lyon frá tyrknenska félaginu Besiktas á síðasta ári.
Hann hefur sjálfur sagt félaginu að áhuginn sé til staðar að fara til Englands en Lyon hefur nú þegar hafnað tveimur boðum West Ham.
