Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.
Félagaskiptaglugginn í öllum stærstu deildum Evrópu er nú opinn og eru fjölmörg lið að skoða í kringum sig.
Hér má sjá pakka dagsins.
Thibaut Courtois er kominn langt í viðræðum við Real Madrid en hann er á leið þangað frá Chelsea. (HLN)
Chelsea hefur boðið Juventus að kaupa framherjann Alvaro Morata og vill fá Gonzalo Higuain á móti. (Mirror)
Luke Shaw, bakvörður Manchester United, hefur hafnað því að ganga í raðir Everton. (Times)
Napoli vill fá 80 milljónir punda fyrir varnarmanninn Kalidou Koulibaly en Chelsea hefur áhuga. (Mirror)
Arsenal vill fá miðjumanninn Rodrigo Bentancur sem er á mála hjá Juventus og spilaði með Úrúgvæ á HM í sumar. (Gazzetta dello Sport)
West Ham hefur styrkt sig verulega í sumar og vill nú fá framherjann Bernard sem spilar með Shakhtar Donetsk. (Ojoco)
Cardiff, Newcastle og Middlesbrough hafa öll áhuga á Matt Phillips, vængmanni West Brom. (Mail)
