Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.
Félagaskiptaglugginn í öllum stærstu deildum Evrópu er nú opinn og eru fjölmörg lið að skoða í kringum sig.
Hér má sjá pakka dagsins.
Chelsea mun borga Antonio Conte níu milljónir punda eftir að hafa leyst hann undan störfum í gær. (Mail)
Real Madrid er að undirbúa 150 milljóna punda tilboð í Eden Hazard, leikmann Chelsea. (Mail)
Chelsea berst við Paris Saint-Germain en bæði lið vilja fá Leonardo Bonucci hjá AC Milan. (Corriere dello Sport)
Tottenham er opið fyrir því að selja varnarmanninn Toby Alderweireld til Manchester United. (Yahoo Sport)
Jurgen Klopp, stjóri Liverpool, hefur útilokað það að félagið kaupi nýjan markvörð í sumar. (Mirror
Gareth Bale, leikmaður Real Madrid, mun funda með nýjum stjóra félagsins Julen Lopetegui í næstu viku. (Sky Sports)
Jose Mourinho, stjóri Manchester United, undirbýr tilboð hinn 25 ára gamla Harry Maguire hjá Leicester. Leicester vill 50 milljónir punda fyrir varnarmanninn. (Sport 1)
West Ham er að tryggja sér Felipe Anderson frá Lazio en hann flaug til London í gær. (Sun)
