Hin 25 ára gamla Angela Ponce braut blað í sögu Spánar síðastliðinn föstudag þegar hún fór með sigur af býtum í fegurðarsamkeppninni Miss Universe Spain.
Angela er fyrsta transmanneskjan sem vinnur þennan eftirsóknaverða titil og mun hún í kjölfarið keppa fyrir hönd Spánar í keppninni um Ungfrú Alheim (Miss Universe) síðar á árinu.
Hún mun einnig verða fyrsta transkonan sem tekur þátt í þeirri keppni en transkonum hefur verið heimil þáttaka í Miss Universe frá árinu 2012.
Angela kveðst hafa vitað frá þriggja ára aldri að hún væri í röngum líkama en hún lauk kynleiðréttingarferli árið 2014. „Mitt markmið er að vera talsmanneskja fyrir samfélag sameiningar, virðingar og fjölbreytileika, ekki aðeins fyrir samfélag samkynhneigðra, tvíkynhneigðra og trans fólks, heldur fyrir allan heiminn,“ ritar hin nýkrýnda fegurðardrottning í færslu á Instagram síðu sinni eftir að úrslitin voru gerð kunn.
