Fólk var skelfingu lostið -Mildi að ekki urðu slys á fólki
Mikil skelfing greip um sig í miðborginni nú skömmu fyrir hádegi þegar byggingakrani byrjaði að halla og hrundi skömmu síðar yfir nýbyggingu sem stendur við Hafnarstræti og yfir planið fyrir framan Bæjarins bestu.
Mikið mildi þykir að engan hafi sakað. Stundin greinir frá því að tvær unglingsstúlkur, sem sátu á bekk við Bæjarins bestu, hafi naumlega náð að forða sér undan krananum.
Lögreglan er búin að loka svæðinu að hluta en lætin þegar kranin féll heyrðust um alla miðborgina. Samkvæmt upplýsingum frá slökkviliðinu á höfuðborgasvæðinu voru dælubíll og sjúkrabílar sendi á vettvant til öryggis.
