Staða bæjarstjóra á Akureyri var auglýst laus til umsóknar í júní og rann umsóknarfrestur út 2. júlí sl. Frestur til að draga umsókn sína til baka rann út á hádegi í gær og það gerðu tveir umsækjendur, samkvæmt vefsíðu Akureyrarbæjar.

Meðal umsækjenda eru Gísli Halldór Halldórsson, fyrrum bæjarstjóri á Ísafirði, en hann sækir einnig um starf bæjarstjóra á Seyðisfirði og í Fjarðabyggð. Þá er Ásthildur Sturludóttir einnig meðal umsækjenda, fyrrum bæjarstjóri Vesturbyggðar og Katrín Björg Ríkharðsdóttir, framkvæmdarstýra Jafnréttisstofu. Einnig er Páll Björgvin Guðmundsson, fyrrum bæjarstjóri Fjarðabyggðar meðal umsækjenda. Þá er Guðmundur Steingrímsson, fyrrum alþingismaður og stofnandi og formaður Bjartrar framtíðar, einn af þeim sem sækist eftir starfinu.

Meirihlutinn samanstendur af L-listanum, Framsóknarflokknum og Samfylkingunni, sem ákvað að auglýsa eftirnýjum bæjarstjóra, í stað Eiríks Björns Björgvinssonar, sem ákvað að gefa ekki kost á sér áfram, en hann hefur setið síðan 2010.

Nöfn umsækjenda í stafrófsröð eru þessi:

Arnheiður Jóhannsdóttir, framkvæmdastjóri

Árni Helgason, löggiltur fasteignasali

Ásthildur Sturludóttir, bæjarstjóri

Brynja Guðmundsdóttir, framkvæmdastjóri

Davíð Stefánsson, framkvæmdastjóri

Eiríkur H. Hauksson, sveitarstjóri

Eva Reykjalín Elvarsdóttir, þjónustufulltrúi

Finnur Yngvi Kristinsson, hótelstjóri

Gísli Halldór Halldórsson, bæjarstjóri

Guðmundur Steingrímsson, ritstjóri

Gunnar Kristjánsson, verkefnastjóri

Jón Hrói Finnsson, sviðsstjóri

Katrín Björg Ríkarðsdóttir, framkvæmdastjóri

Linda Björk Hávarðardóttir, framkvæmdastjóri

Páll Björgvin Guðmundsson, bæjarstjóri

Sveinbjörn Freyr Arnaldsson, framkvæmdastjóri