Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.

Félagaskiptaglugginn á Englandi er nú opinn á ný en er þó enn lokaður í öðrum stærstu deildum Evrópu.

Hér má sjá pakka dagsins.

Chelsea hefur boðið 35 milljónir punda í Daniele Rugani, varnarmann Juventus. (Standard)

Jack Grealish er tilbúinn að yfirgefa Aston Villa í sumar en hann vill spila í ensku úrvalsdeildinni. Tottenham hefur áhuga. (Mirror)

Real Madrid íhugar að selja miðjumanninn Marco Asensio til að fjármagna kaup á hinum brasilíska Neymar sem spilar með PSG. (Sport)

Arsenal nálgast kaup á varnarmanninum Sokratis Papastathopoulos sem er á mála hjá Dortmund. Arsenal er þá einnig í viðræðum við varnarmann Freiburg, Caglar Soyuncu. (Sky Sports)

Manchester United er að íhuga að reyna við Leonardo Bonucci, varnarmann AC Milan. (Yahoo)

Manchester City íhugar að fá miðjuammninn Aaron Mooy aftur til félagsins frá Huddersfield en liðið getur fengið hann á 20 milljónir punda. (ESPN)

Liverpool ætlar að gefa Divock Origi tækifæri til að sanna sig á næstu vikum en hann var í láni hjá Wolfsburg á síðustu leiktíð. (Echo)