Það vakti mikla athygli á sínum tíma er stytta af Cristiano Ronaldo var sýnd í fyrsta sinn á flugvellinum í Madeira í Portúgal.

Emanuel Santos hannaði styttuna af Ronaldo sem fékk að njóta sín á flugvellinum en styttan þótti ekki líkjast Ronaldo.

Á dögunum var tekin ákvörðun um að skipta um styttu og var styttan sem Santos byggði fjarlægð.

Santos var sjálfur ekki látinn vita af því að verið væri að skipta styttunni út og var virkilega sár í kjölfarið.

,,Vinur minn hringdi í mig spurði mig hvort ég væri búinn að heyra fréttirnar,“ sagði Santos.

,,Hann sagði að allir væru að tala um nýju styttuna. Ég sagði við hann að þetta væri kannski bara brandari á internetinu.“

,,Hann sagði mér að þetta væri fyrir alvöru og að ég ætti að athuga málið. Ég vildi gera það sjálfur.“

,,Ég stoppaði fyrir utan og labbaði að styttunni. Ég varð mjög sorgmæddur. Ég kom ekki upp orði, ég var mjög hissa.“