Páll Sigurður Sigurðsson, betur þekktur sem Mc Þungur Pungur „Þessipunguráaðveraþungur“, birti tónlistarmyndband á YouTube sem hann vann að ásamt félögum sínum en saman skipa þeir hópinn Ctrl Alt Délítan.
Lagið ber heitið JÁJÁ og er um að ræða svokallað „diss-track“ í garð fréttamiðilsins Áttunnar og kvikmyndarinnar Fullir vasar, sem framleidd var af nokkrum meðlimum Áttunnar.
Páll samdi textann og laglínurnar og sá um leikstjórn og söng ásamt Viktori Inga Guðmundssyni. Þeir segja söguna af því þegar Páll sótti um starf í kaldhæðni hjá Áttunni en ekki fór sem skildi.
Myndbandið má sjá að neðan og má meðal annars finna eftirfarandi textabrot í laginu.
Þið kallið ykkur Áttuna og hafið voða hátt um það
en gætið ykkur nú því að délítan kemur í hlað.Eins og hver annar maður sér þá hafið þið ekki efni á mér
Þið fenguð Ladda en tus casa, borgar sig að hafa Fulla vasa.Og talandi um þá mynd svo ég þurfi ekki að minnast á hana aftur
þá lúkkar hún, honestly, eins og hreinasti peningaþvottur.Lagið er einnig fáanlegt á Spotify.