Ágúst Gylfason, þjálfari Breiðabliks, var súr með að fá ekki neitt úr leik kvöldsins er Blikar töpuðu 2-1 fyrir Íslandsmeisturum Vals.

,,Við komumst í 1-0 í fyrri hálfleik og áttum að setja annað markið líka og það hefði mögulega klárað leikinn en því miður gerðum við það ekki,“ sagði Gústi.

,,Seinni hálfleikur var erfiður. Valsarar stigu á bensíngjöfina kannski og þetta var bara hörkuleikur og action.“

,,Við lögðum allt í að fá þrjú stig, þessi jafntefli eru ekki að gefa okkur mikið. Við ætluðum að klára þennan leik en fáum það í andlitið.“

Nánar er rætt við Gústa hér fyrir neðan.