Sigurður Þ. Ragnarsson, betur þekktur sem Siggi Stormur er svo sannarlega með nóg á sinni könnu þessa dagana, fyrir utan það að standa í kosningabaráttu. Lögregla og slökkvilið voru kölluð að heimili hans í síðustu viku eftir að eldur kviknaði. Þetta kemur fram á vef Eiríks Jónssonar.

Líkt og Eyjan greindi frá þá skipar Siggi oddvitasæti Miðflokksins í Hafnarfirði í komandi bæjarstjórnarkosningum. Nóg verður að gera hjá honum á kjördag þar sem að þá mun sonur hans einnig útskrifast sem stúdent frá Menntaskólanum við Hamrahlíð.

Siggi segir brunann í síðustu viku hafa „kórónað allt saman“ en reykræsta þurfti íbúðina í kjölfarið. Síðustu dagar hafa síðan farið í koma íbúðinni í lag með hjálp hreingerningafólks og iðnaðarmanna.

„Eldurinn kviknaði í herbergi miðstráksins, sem var nýbúinn að þrífa hátt og lágt hjá sér herbergið og kveikti í tilefni af því á ilmkerti og því fór sem fór,“

segir Siggi sem  tekur þessu öllu saman með stökustu ró og stefnir á að halda stúdentsveisluna daginn eftir kjördag.