Slys varð undir Hafnarfjalli um kl. 17:30 í dag. Húsbifreið á suðurleið fauk og fór mjög illa í rokinu.
Þetta kemur fram í tilkynningu frá lögreglunni á Vesturlandi.
Þegar slysið átti sér stað var húsbifreiðin kyrrstæð eða á mjög lítilli ferð. Á tímabili var einn farþeginn fastur í brakinu. Náðist að losa hann og er hann, að því er virðist, ekki alvarlega slasaður. Aðrir voru með eymsli eða óslasaðir.
Alls voru fimm manns um borð þegar þetta gerðist, 3 fullorðnir og 2 börn. Fólkið var flutt á slysadeild.
