Þjóðverjar eru heimsþekktir fyrir bjórinn sinn og Þjóðverjar og þýsk brugghús halda ekki aftur af sér í að lofsama þýska bjórinn við hvert tækifæri. Þýski bjóriðnaðurinn stendur traustum fótum og er stór í umsvifum, sá stærsti í Evrópu. Það eru rúmlega 1.500 brugghús í þessu næstfjölmennasta ríki Evrópu og þar eru bruggaðar um 6.000 bjórtegundir.

Þetta þýðir að það er hægt að bragða á nýrri bjórtegund daglega í 16 ár. Þjóðverjar drekka mikið af bjór en að meðaltali drakk hver Þjóðverji 104 lítra af bjór 2016 en Tékkar drekka þó meiri bjór að meðaltali. 2016 voru framleiddir 9,4 milljarðar lítra af bjór í Þýskalandi.

En þrátt fyrir margar bjórtegundir, eiginlega bara mjög margar, þá segja sumir að þýskar bjórtegundir bragðist allar næstum því eins. Hugsanlega er eitthvað sannleikskorn í þessu því lög frá 1516, Reinheitsgebot lögin, setja þröngar skorður um hvaða efni má nota í bjór og þessum reglum fylgja þýsk brugghús út í ystu æsar.