Indverski gúrúinn Asaram Bapus hefur verið dæmdur í lífstíðarfangelsi fyrir að hafa nauðgað unglingsstúlku. Bapus er vinsæll gúrú á Indlandi og erlendis. Hann hvetur fylgjendur sína til að lifa lífi án kynferðislegra langana.

Hann nauðgaði stúlkunni undir því yfirskyni að hann vildi reka illa anda úr henni. Stúlkan var ein af mörgum fylgjendum gúrúsins. Bapus var einnig ákærður fyrir að hafa nauðgað öðrum fylgjenda sínum og að hafa átt aðild að morðum á tveimur námsmönnum.

Yfirvöld hafa aukið viðbúnað sinn vegna dómsins og mörg þúsund lögreglumenn hafa verið kallaðir út til að mæta væntanlegum mótmælum fylgjenda Bapus.