Ég horfði á besta fótboltalið í heimi fara á kostum í leiknum sem nefndur er el classico.

Ótrúlegur sóknarbolti og ótrúlegir snillingar í liði Barcelona.

Svo fór ég á minningartónleika um Rúnar Júlíusson í Laugardalshöllinni.

Þar var einstaklega góður fílingur.

Flest tónlistaratriðin voru skemmtileg, en mér fannst standa upp úr Eiríkur Hauksson sem söng GCD-lagið Sumarið er tíminn, strákarnir úr Buffinu sem tóku syrpu af Lónlí Blú Boys lögum með sínu lagi og eftirlifendurnir úr Trúbroti, Gunnar Þórðar og Magnús Kjartansson – jú, og Shady Owens var þarna líka.

Jú, og fleira gott – Deep Jimi and the Zep Creams sem ólust upp undir handarjaðri Rúnars á Skólaveginum í Keflavík.

Virkar eins og það hafi verið skemmtilegt og óhefðbundið heimili.