Trúbrot – var það fyrir fjörutíu árum? Þetta voru fréttir sem skóku líf æskunnar á Íslandi.

Ég var smástrákur þegar ég fór með vini mínum Pétri Gunnarssyni á rokkfestival í Laugardalshöll. Árið 1969. Ég var á kafi í þessum pælingum, með myndir af hljómsveitafólki upp um alla veggi.

Þarna spilaði Trúbrot og líka Ævintýri. Jú og Óðmenn. Þeir léku lög í anda Cream.

Þarna sló Björgvin Halldórsson fyrst í gegn, varð stjarna á einu kvöldi.

Ævintýri var kosin besta hljómsveitin. Stór hluti salarins hafði horn í síðu Trúbrots, fannst þau of „merkileg með sig“. En auðvitað voru þau langbest.

Mbl.is rifjar upp feril Trúbrots hérna. Eins og sjá má á myndunum voru menn hrikalega svalir í þá daga.

Á morgun eru svo minningartónleikar um Rúnar Júlíusson. Þar stígur sumt af þessu fólki á stokk – og svo yngra fólk sem ólst upp við tónlistina þeirra.

Gunnar Þórðarson, Shady Owens, Engilbert Jensen, Maggi Kjartans.

Sumir þeir bestu eru dánir.

Rúnar, Gunnar Jökull, Kalli Sighvats.