Sennilega er nauðsynlegt að næsti dómsmálaráðherra komi úr röðum Vinstri grænna.

Eða sé óháður utan úr bæ.

Hann má varla koma úr hrunflokkunum, Samfylkingu, Framsókn eða Sjálfstæðisflokki.

Þessir flokkar voru of tengdir útrásinni í gegnum styrki, fjárframlög – og almenna aðdáun.

Þeir lágu marflatir fyrir henni – og er varla treystandi til að gera upp við hana.

Það sást líka á því hvernig Sjálfstæðisflokkur og Samfylking stofnuðu embætti sérstaks saksóknara að í flokkunum ríkti algjört áhugaleysi á að rannsaka málin almennilega.

Embættið var nánast andvana fætt, enginn sótti um það. Svo var fundinn sýslumaður á Akranesi og hann fenginn til að sækja um. Þetta var ekki heppileg atburðarás – og embættið líður ennþá fyrir það.