Það er athyglisvert hversu margir þeirra pólitíkusa sem hafa þegið stóra styrki í prófkjörum koma úr borgarstjórninni í Reykjavík.

Hún er gróðrarstía fyrir þetta. Þaðan koma hinir vondu siðir að talsverðu leyti. Og það á ýmislegt fleira eftir að koma úr kafinu.

Í borgarstjórninni eru stjórnmálamennirnir í nálægð við eiginlegt úthlutunarvald; þeir geta deilt út ýmsum gæðum, lóðum og byggingarétti – þeir sitja í stjórn Orkuveitunnar og Faxaflóahafna sem eru stórfyrirtæki.

Þess vegna getur verið sniðugt fyrir fjármálamenn, verktaka og ýmsa spekúlanta að kaupa aðgang að borgarfulltrúum.

Þeir sem stjórnmálamenn sitja á Alþingi eru miklu fjær því að geta deilt út eiginlegum verðmætum. Þess vegna er kannski ekki ástæða til að styrkja þá með jafn háum fjárhæðum – en sumir taka reyndar með sér hina vondu siði úr borgarstjórn.