Auðvitað þarf að skoða miklu meira en fjárframlög til flokkanna árið 2006.
Á forsíðu Fréttablaðsins eftir alþingiskosningarnar 2003, nánar tiltekið 12. maí 2003, sagði stórum stöfum: Halldóri gefst kostur á forsætisráðuneytinu.
Á sömu forsíðu er haft eftir Steingrími J. Sigfússyni í fyrirsögn: Framsókn keypti sig upp í kjörfylgið.
Orðrétt er haft eftir Steingrími í greininni:
„Það hlýtur að vera sérstakt umhugsunarefni fyrir þjóðina að hafa leyft Framsóknarflokknum að kaupa sig upp í kjörfylgið á nýjan leik með gríðarlega kostnaðarsamri auglýsingabaráttu.“
Hverjir borguðu kostnaðinn af þessari auglýsingaherferð? Og hvað fengu þeir í staðinn?
