Einn stjórnmálaskýrandi orðaði það svo: Ef þið viljið endurhlaða breska kerfið þá kjósið þið Frjálslynda demókrata.

Það er stórkostlegt að sjá hvernig Nick Clegg hefur stolið senunni frá David Cameron og Gordon Brown.

Og nú eru stóru flokkarnir farnir að vera áhyggjufullir. Cameron heldur því fram í dag að atkvæði greitt Clegg sé óbeinn stuðningur við Verkamannaflokkinn. Hann talar eins og Clegg sé boðflenna.

En staðreyndin er sú að breskir kjósendur eru farnir að þrá alvöru breytingar – ekki bara hið staðlaða reiptog milli Íhalds og Verkamannaflokks og spunadeilda þessara flokka – svo nú er spurning hvort Frjálslyndir geti nýtt sér meðbyrinn til að vinna sögulegan kosningasigur.

Annars skrifar David Yelland í Guardian að atkvæði greitt Frjálslyndum sé atkvæði gegn Rupert Murdoch og fjölmiðlaveldi hans – og áhrifavaldi hans á stóru flokkana.

Það er ágætis bónus.