Það væri nú gaman að búa í gamla húsinu hans Hannesar Smárasonar.

Meira en 400 fermetrar með spa í kjallaranum. Þótt Hannes sé löngu kominn á hausinn með allt sitt hefur hann haft „afnot“ af húsinu, en nú er það búið.

Í frétt Rúv segir að fólk sé farið að koma til að skoða eignina. Ég verð ekki í þeim hópi – ég er ekki alveg nógu forvitinn um hagi útrásarvíkinga.

Verðmiðinn er sagður vera 190 milljónir. Það hafa verið fréttir af því að einbýlishús í vesturborginni séu eftirsótt, svo kannski verður nóg af kaupendum. Þetta er mest skoðaða eignin á hinum vinsæla fasteignavef Morgunblaðsins.

Meinleg villa er reyndar í fréttinni.

Þar er sagt að húsið sé í Þingholtunum.

En það er ekki rétt.

Einbýlishús Hannesar er á Fjölnisvegi, sem er neðst í Skólavörðuholti.

Þingholtin eru á öðrum stað – í huga þeirra sem þekkja til í Reykjavík markast þau af Skólavörðustíg í norðri, Þingholtsstræti og Laufásveg í austri, Hellusundi í suðri og Óðinsgötu í vestri – eða svona sirkabát þannig.

Fjölnisvegur er allavega langt þar frá.