40,2% landsmanna vill að Ísland gangi inn í Evrópusambandið, er það nokkur fjölgun frá því í febrúar á þessu ári þegar 33,9% landsmanna vildu ganga í ESB. Töluverður meirihluti, eða 59,8% landsmanna, er á móti inngöngu. Þetta kemur fram í niðurstöðum könnunar Gallup sem gerð var fyrir samtökin Já Íslands í september síðastliðnum og greint er frá á vef Kjarnans. Mikill munur er á afstöðu landsmanna eftir aldri, menntun, búsetu og eftir því hvaða stjórnmálaflokk viðkomandi styður. Athygli vekur að meirihluti stuðningsmanna Vinstri grænna, eða 51% styður aðild Íslands að ESB, en það er andstætt stefnu flokksins.

Gjá milli Reykjavíkur og landsbyggðar

Karlar eru jákvæðari gagnvart aðild að ESB en konur, sem og yngra fólk. Í aldurhópnum 18 til 24 ára segjast 55% myndu örugglega eða sennilega greiða atkvæði með inngöngu Íslands í ESB. Í aldurshópnum 55 ára og eldri myndu hins vegar aðeins 33% greiða atkvæði með inngöngu Íslands í ESB.

Íbúar Reykjavíkur eru hlynntari inngöngu en íbúar annarra sveitarfélaga. Slétt 50% Reykjavíkinga vill ganga í ESB en 40% íbúa annarra sveitarfélaga á höfuðborgarsvæðinu, þegar komið er út á land mælist stuðningur við inngöngu Íslands í ESB aðeins 30%.

Munur milli tekjuhópa

Þegar litið er til tekjahópa kemur í ljós að einstaklingar sem tilheyra tekjuhærri hópum er hlynntara inngöngu Íslands í ESB en aðrir. 48% þeirra sem tilheyra hópunum með fjöl­skyldu­tekjur á bil­inu 550 til 799 þús­und krónur á mán­uði og með meira en milljón krónur í fjöl­skyldu­tekjur á mán­uði, vilja ganga í ESB, en aðeins 31% þeirra með fjölskyldutekjur á bilinu 400 til 599 þús­und krónur á mán­uði. 53% háskólamenntaðra vilja ganga í ESB en aðeins 32% þeirra sem eru með grunnskólapróf.

93% stuðningsmanna Samfylkingarinnar vilja ganga í ESB, 79% Pírata og 51% stuðningsmanna Vinstri grænna vilja ganga í ESB. Stuðn­ing­ur­inn er minnstur hjá kjós­endum Flokks fólks­ins, 29%, Sjálf­stæð­is­flokksins, 27% og Fram­sókn­ar­flokks­ins, 24%.

Könnunin var gerð dagana 11-24. sept­em­ber síð­ast­lið­inn. Um var að ræða net­könnun og úrtakið var 1.435 manns um allt land. Allir þátt­tak­endur voru 18 ára og eldri og voru handa­hófs­valdir úr Við­horfa­hópi Gallup. Þátt­töku­hlut­fall var 59,5%.