Stefanía Óskarsdóttir, dósent við stjórnmálafræðideild Háskóla Íslands, segist ekki hissa á tíðindum dagsins, að Framsókn hafi ákveðið að slíta stjórnarmyndunarviðræðum við VG, Pírata og Samfylkingu.

Sú ríkisstjórn hefði aðeins haft eins manns meirihluta, sem væri tæpt, ekki síst vegna ummæla Björns Leví Gunnarssonar þingmanns Pírata, á mbl.is á dögunum, um að hann styddi ekki stjórnarsáttmála sem gengi gegn hans eigin sannfæringu.

„Píratar eru jú einskonar andkerfisflokkur sem vill hrista upp í hlutunum og það hefur líklega haft áhrif í þessum viðræðum. Það vissu allir að þetta væri ansi tæpt. Þá var líka ljóst eftir kosningar að Sigurður Ingi virtist spenntastur fyrir samstarfi VG, Framsóknar og Sjálfstæðismanna og vísaði til breiðrar samstöðu frá vinstri til hægri. Þannig að eitthvað hlýtur framsókn að vera hugsa núna,“ segir Stefanía.

Katrín Jakobsdóttir formaður Vinstri­hreyf­ing­ar­inn­ar græns fram­boðs staðfesti við mbl.is í dag að hún myndi skila stjórn­ar­mynd­un­ar­um­boði sínu til forseta Íslands í dag.