Öll eigum við misjafna vinnudaga sama hversu hart við leggjum af okkur. Hvernig maður byrjar daginn og forgangsraðar verkefnum getur þó haft gríðarleg áhrif. Hefurðu lent í því að komast ekki yfir þau verkefni sem þú hefur sett í forgang vegna þess að aðrir krefjast athygli þinnar? Þetta er þekkt vandamál. Þess vegna er ein af áhrifaríkustu leiðunum til að byrja vinnudaginn af krafti að vera algjörlega sjálfselskur, það er að segja, að tileinka þér og engum öðrum fyrsta klukkutíma hvers vinnudags.

Andrew Merle hjá lífsstilsvefnum motto segir þetta eina áhrifaríkustu leiðina til að gera sem mest úr vinnudeginum. Þessi klukkustund er Þinn tími® og þá tekur þú ekki við verkefnum sem ekki eru á þínum eigin forgangslista, þú boðar ekki komu þína á fundi, svarar ekki símanum eða tölvupóstum og heldur þig alfarið frá samfélagsmiðlum. Hér má sjá hvernig nýta má þessa aðferð til fullnustu í þremur einföldum skrefum.

1. Taktu fyrsta klukkutíma vinnudagsins frá fyrir þig

Fyrsti klukkutími hvers einasta vinnudags er tileinkaður þér og engum öðrum. Ekki bóka fundi eða símtöl, hafnaðu fundarboðum og öðru slíku nema mæting sé brýnasta nauðsyn. Í þeim tilfellum gæti borgað sig að byrja vinnudaginn klukkutíma fyrr.

2. Útbúðu daglegan verkefnalista fyrirfram

Settu ekki fleiri en þrjú mikilvæg atriði á listann til þess að tryggja að þú hafir ekki of mikið á þinni könnu. Skrifaðu lista kvöldið áður frekar en samdægurs.

3. Byrjaðu daginn á þínu mikilvægasta verkefni

Finndu rólegt umhverfi þar sem þú verður ekki fyrir ónæði og byrjaðu á mikilvægasta verkefninu á listanum þínum. Færðu þig svo niður listann þegar því er lokið. Þú skalt forðast það að skoða tölvupóst eða samfélagsmiðla.

Haltu þínu striki og Þinn tími® mun koma!